KABANATA 21 - TIPO NG MGA TAGA-MAYNILA

Ang kabanatang ito ang isa sa personal kong paborito sa El Filibusterismo - ito ay sa dahilang nagawa ni Rizal na ipakita ang mga tipo ng mga tao na naninirahan sa Maynila sa pinakamalupit na anyo ng paglalarawan na hinaluan niya ng malabis na katatawanan.

PAKI-CLICK PO ANG LINK NA ITO PARA SA KABUUAN NG PAGAARAL SA KABANATA 21

KABANATA 20 - ANG PONENTE

Si Don Custodio ay isang tauhan na nilika ni Rizal sa El Filibusterismo upang kumatawan sa isang opisyal ng kolonyal na gobyerno ng Espanya noon sa Pilipinas.Sa pamamagitan ng pagsasalaysay ni Rizal sa kabanatang ito ay nagawa niya na ipakita ang kahinaan at katatawan sa anyo ng kaisipan ng mga tipikal na mga pinuno ng pamahalaan sa panahong iyon at nailantad rin ni Rizal ang kapalpakan ng pamahalaan.

Nakakalungkot na mahigit ng isandaan taon na ang nakalipas, sa kabila ng maraming mga pagbabago sa Pilipinas ay nanatili pa rin na maraming mga gagong pulitiko sa Pilipinas na katulad ni Don Custodio.

PAKI-CLICK ANG LINK NA ITO PARA SA KABUUAN NG PAG-AARAL SA KABANATA 20

KABANATA 19 - ANG MITSA

       Nang iwanan ni Placido Penitente ang unibersidad ay nakaramdam siya ng labis na suklam sa sa prayleng tagapagturo sa UST na nagsasamantala sa kahinaan ng loob ng kanilang mga mag-aaral. Sa pagdating naman niya sa kaniyang tinutuluyang bahay ay nadatnan ang kaniyang ina na nangangaral na maging mapagtimpi sa mga pagmamalabis na ginagawa sa kanila ng mga alagad ng kolonyal na simbahan. 

       Nilayasan ni Placido ang kaniyang ina upang magpalipas ng sama ng loob at dito niya nakatagpo si Simoun at isinama siya sa kalye Iris at doon niya natuklasan ang lihim na paghahanda ni Simoun para sa isang magaganap na pag-aalsa. Dito ay pinalabas ni Rizal ang isa sa kaniyang matandang tauhan sa Noli Me Tangere - ang maestro ng San Diego, na nasa anyo ng isang manggagawa ng paputok. 

     Ang  diyalogo sa isipan ni Simoun sa huling bahagi ng kabanata ay pagtatalo ng kaniyang isipan sa katumpakan o hindi ng magaganap na himagsikan na kaniyang paninimulan.

       Isang malaking ko-insidente na ang lugar ng kalye Iris na tinutukoy dito ni Rizal ay ang kasalukuyang University Belt ng Pilipinas at sa halos ang dulong kanluran ng nasabing kalye ay ang Paseo Azcarraga, kung saan itinatag ng mga PIlipino ang KATIPUNAN.

PAKI-CLICK PO ANG LINK NA ITO PARA SA KABUUAN NG PAG-AARAL KABANATA 19

KABANATA 18 - MGA KADAYAAN

Ang pagtatanghal ni Mr. Leeds ng espinghe/sphinx sa perya sa Quiapo ay isa sa mga enigmatikong kabanata sa mga mag-aaral ng El Fili. Isinagawa ko ang pag-aaral ng anotasyon ng kabanatang ito sa nobela, upang ipaliwanag ang mga kadayaan/trickery na ginamit sa pagtatanghal.
Maging ang mga lihim na kahulugan ng usapan, partikular na ang mga malinis na phiwatig na seksuwal ni Rizal sa kabanata.

 
PAKI CLICK PO ANG LINK NA ITO PARA SA KABUUAN NG PAG-AARAL SA KABANATA 18

KABANATA 17 - PERYA SA QUIAPO

Ang kabanata PERYA SA QUIAPO ay isa sa mga hindi napapansing bahagi ng kabanatang ito ay ang mga konsepto ni Rizal sa sining na ang ilan ay kaniya mismong nilikhang iskultura. Isang panawagan ni Rizal na ang sining ay maaring gamitin bilang instrumento sa pagpapalaya ng kaisipan ng mga Pilipino.

Adbanse ng 100+ taon si Rizal sa pagtatanghal ni Mideo Cruz ng kaniyang kontrabersiyal na sining na POLETEISMO na binatikos ng mga taong sarado ang isipan. Ang

 

PAKI-CLICK PO ANG LINK NA ITO PARA SA KABUUAN NG PAG-AARAL SA KABANATA 17

KABANATA 16 - KAPIGHATIAN NG ISANG TSINO

Ang GAWAD CARLOS PALANCA ang itinuturing na pinaka-prestihiyosong karangalan sa literatura ng Pilipinas. Subalit sa kabila ng maningning na pangalan ay makikita na inilarawan siya ni Rizal sa hindi magandang kalagayan bilang isa sa mga pangunhahing sanhi ng korupsiyon sa lipunang Pilipino sa mga huling dekada ng ika-19 na siglo. Ito ay sapagkat si Carlos Palanca ang siyang pinaghanguan ng isang tauhan ni Rizal sa El Filibusterismo na si Tsino Quiroga.

Inaanyayahan ko po kayo na basahin ang mga anotasyon na nagpapaliwanag sa mga kaganapan noon sa Pilipinas mula sa mga tagpo ng kabanata.

PAKI-CLICK PO ANG LINK NA ITO PARA SA KABUUAN NG PAG-AARAL SA KABANATA 16

KABANATA 15 - SI SENOR PASTA

Si Senor Pasta ay isang likhang tauha ni Rizal na hango sa isang sikat na abogado sa Maynila noong kaniyang kapanahunan. Nilapitan siya ni Isagani upang hingian ng tulong para itaguyod ang simulaing kilusan ng mga mag-aaral na magtayo ng isang akademiya na magtuturo ng wikang Espanyol. Subalit tinanggihan ng abogado ang nasabing paki-usap dahilan sa kaniyang personal na kapakanan at hindi nilingap ang isa sa itinuturing na mungkahi ng mga kabataan.

Ang kabanatang ito ay nilagyan ng anotasyon upang ipaliwanag ang mga simbolismo, at mga suliraning panlipunan na tinatalakay sa pag-uusap nina Isagani at Senor Pasta.

PAKI-CLICK PO ANG LINK PARA SA KABUUAN NG PAG-AARAL SA KABANATA 15